“Ватанпарвар” ташкилоти энг яхшиларни тақдирлади

Дастлаб Ўзбекистон мудофаасига кумаклашувчи Ватанпарвар ташкилоти марказий кенгаши раиси ўринбосарлари Шарифжон Мўминжонов ва Нурмуҳаммад Муллабоевлар мамлакатимиздаспортнинг олимпия ва ноолимпия турларини ривожлантириш, ёшлар орасида кенг оммалаштириш борасида олиб борилаётган ислоҳотлар, айниқса сўнгги йилларда халқаро турнирларда спортчиларимиз томонидан қўлга киритилаётган натижалар салмоғи ортиб бораётгани борасида сўз юритишди. 

Шундан сўнг 2017 йили катта ютуқларни қўлга киритганлар тақдирланишди. Дастлаб “Йилнинг энг яхши спортчиси” номинациясида ғолиб бўлганларга мукофотлар топширилди:

Ҳакимова Алина – Триатлон бўйича бир неча бор Ўзбекистон чемпиони ҳамда мамлакат кубоги совриндори, шунингдек 2017 йилнинг 12-16 июль кунлари Индонезияда ўтказилган Осиё чемпионатида 9-ўринни, 2016 йилнинг 27 июнь – 4 июль кунлари Кокшетау шаҳри (Қозоғистон) мезбонлик қилган  Осиё кубогида2-ўринни қўлга киритган.

Ҳамроев Дониёрхўжа – Триатлон бўйича кўп карра Ўзбекистон чемпиони, 2017 йилнинг 12-16 июль кунлари Индонезияда ўтказилган Осиё чемпионатида 10-ўринни эгаллаган.

Хмелевская Марина – Биатлон бўйича кўп карра Ўзбекистон чемпиони, Ўзбекистон кубоги соҳибаси.  2015 йилнинг 27 июнь – 7 июль кунлари Чўпон-ота шаҳри (Қирғизистон)да ўтказилган ёзги биатлон бўйича Осиё Кубогида 1-ўринни эгаллаган. 

Петров Фёдор – Радиоспорт бўйича бир неча бор Ўзбекистон чемпиони, Ўзбекистон кубоги соҳиби. 2017 йилнинг 28-29 октябрь кунлари ўтказилган Жаҳон чемпионатида 2-ўрин, Осиё чемпионатида 1-ўрин. 

Базин Владислав – 2017 йили картинг бўйича Ўзбекистон чемпионатида 1-ўрин ва Ўзбекистон кубоги соҳиби. 

Пардабаева Зайнаб – Ўқ отиш спорти бўйича бир неча бор Ўзбекистон чемпиони. 2017 йил Қозоғистонда ўтказилган халқаро турнирда 413 натижа билан 1-ўрин, Ўзбекистон чемпионатида 415,9 натижа билан 1-ўрин.

Ибрагимова Ольга – Ракетамодел спорти бўйича кўп карра Ўзбекистон чемпиони. 2017 йилнинг 16-22 сентябрь кунлари Байканур шаҳрида ўтказилган Жахон кубогида 1-ўрин. 

Сазанов Андрей – 2017 йили мотокросс бўйича (125 см3) ва (500 см3) Ўзбекистон чемпионати 1-ўрин ва Ўзбекистон кубоги 1-ўрин.

Тадбир давомида ёшлар орасида спорт турларини оммалашиши, спорт турларига бўлган қизиқишнинг ўсишида мураббийлар малакаси, иш услуби, шогирдларининг ғалабага бўлган интилишини ўстира олиш қобилияти катта эканлигига урғу берилди. Шундан сўнг, «Энг яхши мураббий» номинацияси ғолиблари  тақдирланди:

Серебряков Сергей – биатлон 

Зародов Виктор – триатлон 

Маросимда ўтказилаётган мусобақаларнинг одилона ташкил этилиши спортчилар ўртасида соғлом рақобатни шаклланишида катта ўрин тутиши борасида сўз юритилди. Сўнгра “Энг яхши ҳакам” номинацияси ғолиблари тақдирланди:

Рисқибев Собир – триатлон

Набиев Шокир – ўқ отиш