11 июн 12:25
Янгиликлар

Теннис

Вавринка Маррей ва Димитровнинг собиқ мураббийи билан ишлайди

Швейцариялик теннисчи Стэн Вавринка майса қопламали турнирларда янги мураббий хизматидан фойдаланади.

Вавринка британиялик Энди Маррей ва чехиялик Томаш Бердихнинг собиқ мураббийи венесуэлалик Дани Валверди қўл остида машғулотларни бошлади.

“Майса қопламали турнирга янги мураббий қўл остида тайёргарлик бошлаганимни эълон қилаётганимдан хурсандман. Валвердининг бой тажрибасига шубҳа қилмайман”, - дея “Твиттер”да хабар қолдирган Вавринка.

Эслатиб ўтамиз, бу мутахассис шу йилнинг май ойида болгариялик Григор Димитров билан ҳамкорликни тўхтатган эди. 28 ёшли Григор Дани қўл остида Цинцинатти “Мастерс” ҳамда 2017 йилги Якуний турнирда бош совринни қўлга киритган эди.