23 май 07:44
Янгиликлар

Теннис

Вавринка рейтингда ўзидан 30 поғона пастдаги теннисчига ютқазди

Швейцариянинг Женева шаҳрида теннис бўйича нуфузли ATP турнири давом этмоқда.

Дунёнинг 27-ракеткаси Стэн Вавринка мусобақанинг иккинчи даврасида мағлубият аламини тотиб кўрди. Швейцариялик теннисчи ўз ватандошлари кўз ўнгида рейтингнинг 57-поғонасидан жой олган босниялик Дамир Жумхурга 6/3, 3/6, 4/6 ҳисобида ютқазди.

Учрашув 1 соату 56 дақиқа давом этган. Энди 27 ёшли болқонлик теннисчи Geneva Open турнирининг чорак финалида молдавалик Раду Алботга қарши кортга чиқади. Албот аргентиналик Хуан Игнасио Лондеродан устун келди - 6/1, 6/7(3), 6/4.