12 апр 07:36
Янгиликлар

Велоспорт

Велоспорт бўйича Ўзбекистон чемпионати бошланди

Тошкент вилоятида велоспортнинг шоссе йўналиши бўйича эркаклар ўртасида кўпкунлик Ўзбекистон чемпионати старт олди.

Миллий терма жамоа учун янги номларни саралаб олиш мақсадида ташкил этилган мусобақанинг биринчи кунида спортчилар 26 км масофа бўйича пойгада иштирок этдилар.

Беллашув якунига кўра, Дилмурод Сиддиқов маррага биринчи бўлиб етиб келди. Иккинчи ва учинчи ўринлар мос равишда Данил Евдокимов ва Андрей Измайловга насиб қилди.

14 апрелгача давом этадиган мусобақада спортчилар шунингдек, 128, 120 ва 124 км масофага бўладиган пойгаларда ўзаро кураш олиб борадилар.