Велоспорт: Наманганда Ўзбекистон кубоги мусобақаси бўлиб ўтди

Мусобақада Тошкент шаҳри, Тошкент вилояти, Фарғона, Наманган, Сирдарё, Самарқанд ва Хоразм вилоятларидан келган спортчилар қатнашди. Ўзбекистон кубогида 41 нафар эркак ва 8 нафар аёл спортчи ғолиблик учун мусобақалашди.

Ўзбекистон кубогида велоспортчилар яккалик ва гуруҳ жамоаларига бўлинган ҳолда ҳамда бошқа кўплаб йўналишларда турли масофаларда беллашди. Якуний натижаларга кўра Дмитрий Бочаров, Бегзод Раҳимбоев, Дилмурод Сиддиқов, Олимжон Каримов, Оятилло Собиров ва Умид Бахтиёров, қизлардан эса София Каримова каби спортчилар турли масофаларда мусобақа ғолибига айланишди.

Мусобақа якунида спортчилар Ўзбекистон велоспорт федерациясининг Наманган вилояти бўлими томонидан кубок, диплом ва эсдалик совғалари билан тақдирланди.