Велоспорт. Ўзбекистон чемпионати якунланди

Бир юз йигирма саккиз километр масофага ўтказилган баҳсларда Дилмурод Сиддиқов барча рақибларини ортда қолдирган ҳолда, биринчи ўринни қўлга киритди. Иккинчи ўринга Сергей Медведев эга чиққан бўлса, учинчи ўрин Данил Евдокимовга насиб қилди. 

Ўттиз уч километрга ўтказилган пойга якунларига кўра, Данил Евдокимов ғалаба қозонди. Иккинчи ва учинчи ўриндан мос равишда Дилмурод Сиддиқов ва Эрнест Османовлар жой олди. Ушбу беллашувлар шу йил август ойида Индонезияда бўлиб ўтадиган Осиё ўйинларига тайёргарлик вазифасини ҳам бажарди.