22 авг 20:01
Янгиликлар

Велоспорт

Велотрекчиларимиз Жаҳон чемпионатининг иккинчи кунини ҳам медалсиз якунлайдиган бўлди

Хитойнинг Лоянг шаҳрида давом этаётган велоспортнинг трек йўналиши бўйича ёшлар ўртасидаги Жаҳон чемпионатининг иккинчи куни ортда қолди.

Кун давомида терма жамоамизнинг икки нафар вакили — Алимардон Жамолиддинов ҳамда Самира Исмоилова чиқиш қилди.

Скретч дастурида иштирок этган Алимардон афсуски, саралашдан ўта олмади.

Исмоилова эса бугун чиқариб юбориш гуруҳ пойгасида қатнашиб, саралашдан муваффақиятли ўтди. Бироз олдин якунланган финалда эса Самирага бироз тажриба етишмади. 22 нафар велотрекчи иштирок этган финалда вакиламиз 12-натижани қайд этди.

Жаҳон чемпионатининг эртанги куни доирасида Алимардон Жамолиддинов скретч, Самира Исмоилова эса омниум дастурида ғолиблик учун кураш олиб боради.