25 окт 10:31
Янгиликлар

Теннис

Вена (ATP). Янник Синнер қозоғистонлик теннисчини тўхтатди

Дунёнинг иккинчи ракеткаси Янник Синнер Австрия пойтахти Вена шаҳрида давом этаётган турнирнинг 1/2 финалига чиқди.

Италиялик теннисчи 1/4 финалда ATP рейтингида 16-ўринда бораётган қозоғистонлик Александр Бубликни икки сетда ҳам бир хил ҳисобда мағлубиятга учратди - 6/4, 6/4. Теннисчиларнинг ўзаро учрашувларида Янник олдинда бормоқда - 5:2.

Етмиш саккиз дақиқа давом этган баҳсда Синнер 8, Бублик 9 та эйс зарбасини амалга оширган. Италиялик қўшхатога йўл қўймади - 0:4. Брейклар бўйича устунлик ғолиб томонида бўлди - 2 га 0. Бугун Янник финал чиптаси учун турнирда учинчи рақам остида таснифланган австралиялик Алекс де Минаурга қарши кортга чиқади.