Видеоблогер Жейк Пол иккинчи бор Конорга "вызов" ташлади

Жейк ўтган йилнинг декабрь ойида Конорга бокс қоидалари асосида ўтказиладиган жанг учун 50 миллион доллар таклиф қилганди. Пол кеча собиқ Bellator чемпиони Бен Аскренни биринчи раунднинг ўзидаёқ нокаутга учратган эди. Ушбу ғалабадан сўнг Жейкнинг ўзига бўлган ишончи янада ортган.

"Аввал ҳам айтганман, яна такрорлайман: менга катта жанглар керак. Айнан шундай жангларда ўзимнинг реал кучимни синаб кўраман. Бен Аскрен жангдан олдин катта гапирганди, унинг ҳолатини кўрдингиз. Кўрамиз, кейинги рақиб ким бўлар экан. Менга 3-4 миллионлик пуллик телетрансляциялар керак", - деди Пол. 

Эслатиб ўтамиз, айни пайтда Конор Макгрегор Дастин Порьега қарши ўтказиладиган трилогияга тайёргарлик кўрмоқда. Агар ирландиялик бўлажак жангда ғалаба қозонса, у ҳолда Хабибдан қолган UFC чемпионлик камарига расмий даъвогарга айланади.