18 сен 14:58
Янгиликлар

Теннис

Винус Уильямс Ухандаги турнирда иштирок этмайдиган бўлди

Америкалик теннис юлдузи Винус Уильямс 23-29 сентябрь кунлари Хитойнинг Ухан шаҳрида ўтказиладиган турнирда иштирок этмайди.

Уильямсларнинг тўнғичи август ойида ушбу турнирга "уайлд-кард", яъни асосий тўрда қатнашиш ҳуқуқини берувчи имтиёзли йўлланмани қўлга киритган эди.

Энди мусобақа ташкилотчилари Винусга берилган "уайлд-кард" йўлланмасини австралиялик Саманта Стосурга тақдим этишади. Америкалик Бернард Пер, хитойлик Чжэн Сайсай ҳам ана шундай имтиёзга эга бўлишганди.

Маълумот учун, Каролин Гарсия турнирнинг амалдаги ғолибаси ҳисобланади. Франциялик теннисчи мусобақа финалида австралиялик Эшли Бартини 6:7 (3:7), 7:6 (7:4), 6:2 ҳисобида мағлуб этган эди.