Виржил Ортис Исроил Мадримовнинг Теренс Кроуфорд билан жанги ҳақида гапирди

"Мадримов ҳимояда яхши ишлайди. У кўп ҳам зарбаларни ўтказиб юборавермайди. Тўғрисини айтсам, Кроуфорд уни янада ишончлироқ тарзда мағлуб этади деб ўйлагандим, аммо Мадримов Теренсни асосий калит ҳаракатларидан маҳрум қилди. 

Исроил жуда кўп яхши комбинациялар ишлатди, кўп зарба берди. Биламан, Кроуфорд унинг кучини ҳурмат қилган, чунки Мадримов жуда оғир зарба беради. Ҳозирча уларнинг жангини батафсил кўрганим йўқ, лекин албатта томоша қилиб чиқаман. 

Гап шундаки, Кроуфорд ва мен бутунлай бошқа жангчилармиз. Албатта, мен бу жангни ўрганишим мумкин, аммо Кроуфорд билан бир хил жанг қилганимизда ҳам Мадримов бу жангга бошқача ёндашган бўларди", деди Ортис.

Виржил ва Исроил ўртасидаги жанг 22 февраль куни Саудия Арабистони пойтахти Ар-Риёд шаҳрида бўлиб ўтади.