"Вискини ташла ва машғулотларга кириш". Усман Макгрегорга мурожаат қилди

Аввалроқ Конор Усманни бекорчи деб атаганди.

"Менга "сен бекорчисан" дейишганида қандайдир муаммолар келиб чиқади. Аммо буни Конор Макгрегор айтмоқда. Мен унда қонун билан боғлиқ муаммолар бўлганида, жанжалларга аралашганида, танқид қилмаганман, у ҳақида негатив фикрлар айтмаганман. Бу ҳақида ҳеч қайсингиз эшитмагансиз. 

Бекорчи эканлигимга келсак, камар менда бўлган пайти Конорда менга қарши икки маротаба жанг қилиш имконияти юзага келганди. У Майкл Чендлер ҳақида ўйлаши керак. У йигит қаттиқ шуғулланмоқда. Шунинг учун Конор, вискини ташла ва машғулотларга кириш. Ҳозир тролл қиладиган вақт эмас", - деди Усман.