Виталий Денисов "Рубин" сафида собиқ жамоасига қарши майдонга тушди

Виталий Денисов қозонликлар сафида ўйинни тўлиқ ўтказди. 22-дақиқада Денисовнинг ўз жарима майдонидаги қўполлиги туфайли "Рубин" дарвозасига пенальти белгиланди. 11 метрли нуқтага яқинлашган Антон Миранчук қулай имкониятдан фойдалана олмади. 

Бироқ, унинг ўзи иккинчи бўлимда жарима зарбасини чиройли тарзда амалга ошириб, ўйиндаги ҳисобни очди. Кейин эса меҳмонлар ярим ҳимоячиси Хвича Кварацхелия орадаги фарқни тиклаб, учрашувдаги якуний ҳисобни белгилади.

Локомотив – Рубин 1:1 (0:0, 1:1)

«Локомотив» стадиони

Голлар: 1:0 – 66 Миранчук, 1:1 – 76 Кварацхелия.

Локомотив – Гильерме, Живоглядов, Серкейра, Чорлука, Рибус, Баринов, Криховяк, Миранчук, Миранчук, Жемалетдинов (Рибчинский, 81), Эдер (Коломейцев, 58).

Рубин – Дюпин, Данченко, Уремович, Денисов, Сорокин, Подберезкин (Степанов, 88), Могилевец (Закиров, 70), Коновалов, Башкиров, Давиташвили (Кварацхелия, 66), Марков.

Огоҳлантиришлар: Уремович (18), Миранчук (35), Денисов (82), Серкейра (90), Марков (90).