27 авг 18:53
Янгиликлар
Теннис
Виза муаммолари сабаб Цинциннатидаги турнирда қатнашолмаган Павлюченкова АҚШга виза олди
Россиялик теннисчи Анастасия Павлюченкова Америкага виза олганини маълум қилди ва энди у АҚШ Очиқ чемпионатида қатнашиши мумкин.
"Мўъжиза содир бўлди ва мен Америка визасини олдим. Қўллаб - қувватлаганингиз учун барчангизга катта раҳмат. Бу жуда асабий давр бўлди. Афсуски, спортчилар бундай бемаъни вазиятларга дуч келишлари керак. Нима бўлганда ҳам, корт ташқарисидаги жанг тугади", - деб ёзди Павлюченкова Twitter'даги саҳифасида.
Эслатиб ўтамиз, Павлюченкова 14-22 август кунлари Цинциннати шаҳрида бўлиб ўтган турнирда виза олишдаги муаммолар туфайли иштирок этолмаган эди. АҚШ Очиқ чемпионати 30 августдан 12 сентябргача бўлиб ўтади. Биринчи даврада Павлюченкова АҚШлик Алисон Риск билан тўқнаш келади.
Ҳавола :
Манба : Gotennis.ru
Фикрлар