Мирра Андреева мавсумдаги иккинчи WTA 500 турнири бош совринига эга чиқди

Дунёнинг ўнинчи ракеткаси бўлиб турган Мирра Андреева ҳал қилувчи финал учрашувида WTA рейтингида 97-поғонада бораётган австриялик Анастасия Потаповага қарши кортга чиқди. Бир соату 57 дақиқа давом этган рус теннисчилари баҳсида Андреева уч сет натижасига кўра зафар қучди - 1/6, 6/4, 6/3.

Бу теннисчиларнинг ўзаро ўтказган тўртинчи учрашуви бўлди. Мирра ватандошлар баҳсида олдинда бормоқда - 3:1. Асли россиялик бўлган Потапова яқинда Австрия спорт фуқаролигини қабул қилганди. Андреева финал учрашувида 4, Потапова 5 та эйс зарбасини амалга оширди. Иккала теннис маликаси ҳам 5 тадан брейкдан фойдаланди. 

Шу тариқа, Мирра Андреева фаолиятидаги бешинчи, мавсумдаги иккинчи совринини қўлга киритди. Линцдаги бир ҳафталик меҳнат унга 500 рейтинг очкоси ҳамда 161 310 евро мукофот пулини келтирди. Потапова эса 325 очко ҳамда 99 565 € ишлаб олди.