Владимир Минеев ва Иван Штирков ўртасида "рус классика"си бўлиб ўтди

Оқшом доирасида россиялик Владимир Минеев 93 килограммгача вазн тоифасида ўзига тегишли чемпионлик камарини ҳамюрти Иван Штирковдан ҳимоя қилди. Кикбоксинг қоидалари асосида ўтказилган уч раундлик жанг тўлиқ давом этди ва ғолиб очколар ҳисобига кўра аниқланди. 

Якунда Минеев 30-29, 30-27, 30-27 ҳисобларида ғалаба қозониб, чемпионлик камарини муваффақиятли ҳимоя қилди. Владимир Минеев ўрта вазнда AMC Fight Nights камарини ҳам ўзида сақлаб турибди. У кечаги жангдан кейин берган интервьюсида Иван Штирковга аралаш қоидалар асосида ўтказиладиган реванш жангини интизорлик билан кутаётганини айтди.