Владимир Назаров: "Ҳайдаров ва Бошкович "Бунёдкор"дан кетгач таваккал қилишни истамадим"

Кипер дастлаб янги мавсумга "Бунёдкор" билан тайёргарлик кўраётган, клуб билан шартнома ҳам имзолаганди. Аммо раҳбарият ва мураббийлар штаби ўзгариши ортидан у ҳам кетишга қарор қилди. Кўп вақт ўтмай фарғоналиклар сафига келиб қўшилди. 

 РАСМАН! Владимир Назаров — "Нефтчи" футболчиси!

"Бунёдкор"дан кетишим кутилмаганда рўй берди. Менда раҳбарият билан келишувим бор эди. Улар ўз ўрнида қолса мен ҳам қолардим. Аммо Азиз Ҳайдаров ишлан кетди, кейин эса Иван Бошкович. Натижада таваккал қилгим келмади. Бу ерда гап клубга ишонмаганимда эмас. Шунчаки келишув борлиги сабаб тарк этдим. Жамоа анча яхши. Футболчилар ҳам ёмон эмас. 

"Нефтчи"дан таклиф тушди, ўйлаб ўтирмай рози бўлдим. Тезда Туркиядаги машғулотларга етиб келдим. Жамоа ажойиб, мени яхши кутиб олишди. Худо хоҳласа янги мавсумда ўзимни кўрсатишга ҳаракат қиламан. Олдинда 6та ўртоқлик учрашуви кутиб турибди. Имконият берилса фойдаланишга тайёрман. Тезроқ мавсум бошланишини кутяпман. 

 Олимпия терма жамоасида ким яхши бўлса ўша ўйнайди. Бу борада муаммо кўрмаяпман. Ишлашда давом этамиз. Мақсад Париж олимпиядасига йўлланма олиш",- дейди Владимир Назаров.