07 июл 09:17
Янгиликлар

Волейбол

Волейбол. Тошкент вилоятида Ўзбекистон чемпионати старт олди

Тошкент вилоятининг Паркент туманида жойлашган «Кумушкон» оромгоҳида волейбол бўйича 2004-2005 йилларда туғилган ўғил болалар ва қизлар ўртасидаги Ўзбекистон чемпионатига старт берилди.

Кеча мусобақанинг тантанали очилиш маросими бўлиб ўтди. Унда Миллий олимпия қўмитаси мутасаддилари, Ўзбекистон волейбол федерацияси ходимлари ҳам иштирок этишди. Тантанали маросимда яккакураш спорт турлари бўйича кўргазмали чиқишлар ҳам ташкил қилинди.

Маълумот учун, 13 июлга қадар ўтказиладиган мамлакат чемпионатининг ўғил болалар ўртасидаги баҳсларида ҳам, қизлар ўртасидаги беллашувларида ҳам 13тадан жамоа иштирок этмоқда.