“Воронеж-2018”. 13 ёшли Синдаровнинг муваффақиятли иштироки

Ушбу мусобақада 11 давлатдан 131 нафар шахматчи иштирок этди. Тўққиз тур якунларига кўра 4 нафар гроссмейстер 7тадан очко жамғарди. Қўшимча кўрсаткичларга кўра Дмитрий Кокарёв (2603, Россия) чемпионга айланди.

Ҳамюртимиз 13 ёшли халқаро мастер Жавоҳир Синдоров (2449) эса чемпиондан ярим очкогина кам жамғариб, совринли 5-ўринни эгаллади. Пойтахтлик ёш шахматчи 9та партиядан 5тасида ғалабага эришди. Жавоҳирдан енгилганлар орасида халқаро гроссмейстерлар - Павел Понкратов (Россия, 2622), Алексей Придорожний (Россия, 2589), халқаро мастер Илья Ильюшенко (2530, Россия) бор. 

Синдаров халқаро гроссмейстерлар - Павел Потапов (2491, Россия), Иван Попов (2608, Россия) ҳамда халқаро турнир ғолиби Дмитрий Кокарёв (2603, Россия) билан дуранг ўйнади. Ушбу турнирда иштирок этган гроссмейстеримиз Марат Жумаев 5,5 очко жамғаришга муваффақ бўлди. Жумаев Синдаровнинг устози ҳисобланади.