02 окт 10:00
Янгиликлар

Теннис

Возняцки Пекиндаги юришини давом эттирмоқда

Дунё рейтингида 19-ўринни эгаллаб турган Каролин Возняцки China Open турнирининг учинчи босқичига йўл олди.

Даниялик теннис маликаси иккинчи даврада америкалик Кристин МакХэйлга қарши баҳс олиб борди ва 1 соату 23 дақиқа давом этган учрашувда рейтингнинг 90-поғонасидан жой олган рақибасини мағлуб этди - 6/4, 6/0.

Каролин ўзаро учрашувларда энди рақибасини умумий 5:2 ҳисобида мағлуб этмоқда. Возняцки Пекин турнирининг учинчи босқичида чехиялик Катержина Синяковага қарши кортга чиқади.