"ВТБ Кремль Кубоги". Рус дербисида Карацев Хачановни мағлуб этди

Мусобақанинг ярим финалида россиялик икки теннисчи - дунёнинг 22-ракеткаси бўлиб турган Аслан Карацев ATP рейтингининг 31-поғонасидан жой олиб турган Карен Хачановга қарши кортга чиқди. Учрашувда Карацев номдор рақибини 7/6(7), 6/1 ҳисобларида мағлуб этиб, финалга йўл олди. 

Роппа-роса 100 дақиқа давом этган баҳсда 28 ёшли Карацев 6 та, 25 яшар Хачанов эса 8 та эйс зарбасини ижро этди. Аслан фаолиятида илк бор Каренни мағлуб этишни уддалади. Бундан аввалги ўзаро учрашувларнинг тўрттасида Хачанов ғалаба қозонган эди.