19 окт 10:03
Янгиликлар

Теннис

VTB Kremlin Cup. Абдураимова ярим финалда кортга чиқди

Россия Федерацияси пойтахти Москва шаҳрида теннис бўйича аёллар ўртасидаги VTB Kremlin Cup мусобақаси давом этмоқда.

Турнирнинг яккалик саралаш баҳсларида мағлубиятга учраган ҳамюртимиз Нигина Абдураимова бор эътиборини жуфтликдаги иштирокига қаратганди. Мамлакатимизнинг иккинчи ракеткаси жуфтликда россиялик 18 ёшли Анна Калинская билан тандем ҳосил қилган эди.

Афсуски, улар ярим финалда хорватиялик Дарья Юрак ҳамда руминиялик Ралука-Йоана Олару жуфтлигига қарши кортга чиқиб, мағлубият аламини тотиб кўришди. Учрашувда Юрак ва Олару жуфтлиги 6:3, 6:4 ҳисобида ғалаба қозониб, финалга олди.