ВХЛ. "Ҳумо" бугун Самара жамоасидан реванш олишга уриниб кўради

Бу сафар жамоамизга Самаранинг "ЦСК ВВС" жамоаси рақиблик қилади. Мазкур жамоаларнинг ноябрь ойида Россияда ўтказилган ўйинида мезбонлар 5:2 ҳисобида ғалаба қозонишганди. 

Маълумот учун, "Ҳумо" шу кунгача ВХЛда 30 та ўйин ўтказган ва 32 очко тўплаган ҳолда, 18-ўринни эгаллаб турибди. ЦСК ВВС эса 30 та ўйиндан сўнг 27 очко тўплаган ва 25-ўриндан жой олган. 

Учрашув бугун соат 19:30да бошланади. Чипталар арена кассаларида ва iticket.uz сайтида сотилмоқда. Бугунги учрашув олдидан ўзбек шоу-бизнеси вакили меҳмон бўлиши кутилмоқда. Шундай экан, бугунги шоуни ўтказиб юборманг!