04 ноя 19:26
Янгиликлар

Сув спорти турлари

Вячеслав Качанов Россиядаги мусобақада кумуш медалга эга чиқди

Татаристон маркази Қозон шаҳрида сувга сакраш бўйича "Татаристон раиси кубоги" мусобақаси ўтказилмоқда.

Турнирнинг 3 метр баландликдан сакраш дастурида Ўзбекистон терма жамоаси аъзоси Вячеслав Качанов ҳам иштирок этди. У ушбу дастурда 406,35 балл жамғарди ва якунда кумуш медалга эга чиқди.

Таъкидлаш жоиз, Вячеслав Качанов ўсмирлар ўртасида 2021 йилги Европа чемпионати ғолиби ҳисобланади. У 2023 йил ёзидан буён Ўзбекистон шарафини ҳимоя қилмоқда.