22 сен 11:34
Янгиликлар

Бокс/ММА

WBA Asia East камари соҳиби Мирзакамол Неъматов Ереванда рингга чиқади

Теглар : Баҳромжон Фозилов Мирзакамол Неъматов

Профессионал боксчимиз Мирзакамол Неъматов ўзининг навбатдаги жангини Арманистон пойтахти Ереван шаҳрида ўтказади.

Супер ярим ўрта вазн тоифасида ўз жангларини ўтказиб келаётган чарм қўлқоп устамиз 20 октябрь куни ўзига тегишли бўлган WBA Asia East камарини ҳимоя қилади. Унинг рақиби россиялик Асланбек Козаев (34-3-1, 8 КО) бўлади.

Айни кунларда Неъматов Россияда бўлажак жангига тайёргарликни давом эттирмоқда. У билан бирга яна бир чарм қўлқоп устамиз Баҳромжон Фозилов ҳам машғуотларда иштирок этяпти.

Маълумот учун, Мирзакамол Неъматов сўнгги жангини шу йилнинг июль ойида Тошкентда ташкил этилган проф бокс кечаси доирасида собиқ жаҳон чемпиони Жулиус Индонгога қарши ўтказганди.

Собиқ WBA (2017), IBF ва IBO (2016-2017) йўналишлари чемпионига қарши жанг тўлиқ давом этган ва якунда ҳакамларнинг қарорларига кўра ҳамюртимиз ғалаба қозонганди. Бу ғалаба орқали Мирзакамол вакант бўлиб турган WBA Asia камарига эга чиққанди.