WBA камарига собиқ даъвогар Ботир Аҳмедовнинг навбатдаги рақиби ва жанг санаси маълум

Ташкилотчилар ушбу турнирнинг яна бир жангини маълум қилишди.

Унга кўра, супер енгил вазн тоифаси WBA рейтингида олтинчи ўринни эгаллаб турган ҳамюртимиз Ботир Аҳмедов (9-3-0) яна бир ўзбек боксчиси - Муҳаммадсалим Сотволдиев (7-7-2) билан рингда тўқнаш келади.

Маълумот ўрнида, Ботир Аҳмедов фаолияти давомида икки бор WBA жаҳон чемпионлик камари учун рингга чиққан (2019, 2022). У илк уринишда Марио Барриосга имкониятни бой берган бўлса, ўтган йилги иккинчи уринишда Альберто Пуеллога ютқазиб қўйган эди. Бундан ташқари, Аҳмедов сўнгги жангини шу йилнинг май ойида АҚШда Кеннет Симс Жуниорга қарши ўтказиб, очколар ҳисобига кўра мағлуб бўлганди. 

Эслатиб ўтамиз, 6 ноябрь куни Сочидаги бокс оқшомида Ботир Аҳмедовдан ташқари, Ҳасанбой Дўсматов ва Фазлиддин Ғоибназаров ҳам рингга кўтарилади.