WBA рейтинги. Ўзбек боксчларининг ўрни ўзгаришсиз қолди

Унга кўра, рейтингдан олти нафар ўзбекистонлик боксчи ўрин олган. Бу ой боксчиларимизнинг рейтингдаги ўрни ўзгаришсиз қолган:

Эълон қилинган рейтингда Муроджон Аҳмадалиев иккинчи енгил вазн тоифасида (-55,3 кг) чемпион сифатида қайд этилган. Аҳмадалиев шунингдек IBF йўналиши чемпиони ҳам ҳисобланади. 

Биринчи ярим ўрта вазн тоифасида (-63,5 кг) жангларини олиб бораётган икки боксчимиз - Шаҳрам Ғиёсов олти, Шоҳжаҳон Эргашев эса саккизинчи поғонани эгаллаб турибди. Шаҳрам айни пайтда ушбу вазнда WBA International камари соҳиби ҳисобланади. 

Биринчи ўрта вазн (-69,85 кг) тоифасида Исроил Мадримов эса биринчи ўринда қайд этилган.

Иккинчи ўрта вазн тоифасидаги боксчимиз Бектемир Мелиқўзиев (-76,2 кг) эса 15-ўринни эгаллаб турибди. У айни пайтда WBA Continental Americas камари соҳиби бўлиб турибди.  

Яримоғир вазн тоифасида (-79,3 кг) Рустам Тўлаганов ҳам аввалги ойдаги каби 14-ўринда қайд этилган.