17 мар 10:55
Янгиликлар

Бокс/ММА

WBC: Франсис Нганну Топ-10 рейтингни тарк этади

WBC президенти Маурисио Сулейман камерунлик 37 ёшли собиқ UFC чемпиони Фрэнсис Нганнунинг ташкилот Топ-10 рейтингини тарк этишини маълум қилди.

Камерунлик аралаш яккакураш устаси 9 март куни Саудия Арабистонида ўтказилган бокс жангида собиқ жаҳон чемпиони Энтони Жошуага нокаут эвазига ютқазганди.

"Ҳа, у Топ-10 рейтингини тарк этади. Чунки, уни иккинчи раунддаёқ нокаутга учратишди. Нганнуни рейтингга киритганимидан афсусланмайман. Унинг Тайсон Фьюрига қарши кечган жанги шунчаки ажойиб бўлганди. Ўша жанг профессионал бокс, хусусан WBC талабларига жавоб берарди", — деди Сулейман.

Тайсон Фьюрига қарши кечган ажойиб жангидан кейин Нганну WBC рейтингида Топ-10`таликка киритилганди.