WBC Фьюри ва Уайт ўртасидаги жангни тасдиқлашни ортга сурди

Оғир вазн тоифасидаги икки бокси Тайсон Фьюри ва Диллиан Уайт ўртасидаги жанг ҳали бери тасдиқланганича йўқ. WBC ушбу қарорни 16 ноябрь куни қабул қилиш керак эди. Аммо, амалда бундай бўлмади. 

Бунга сабаб эса WBC ташкилоти ва Диллиан Уайт ўртасидаги узоқ муддатдан бери давом этаётган суд ишидир. 2020 йилнинг ёзида Диллиан Уайт ташкилотни ваъда қилинган титул жангини ташкил қилиб бермаганликда айблаб судга берганди.

Эслатиб ўтамиз, Бутунжаҳон боксчилар иттифоқи (WBC) Тайсон Фьюрига Александр Усик билан жангни ташкил қилиш учун 30 кун мухлат берганди. Аммо, Энтони Жошуа Усик билан жанг шартномасидаги реванш ўтказиш бандини ишлатди. 

Шу сабаб ҳам, энди Тайсон Фьюри мажбурий даъвогар ҳисобланган Диллиан Уайт билан жанг ўтказиши керак бўлади.