WBC рейтинги. 7 нафар ўзбек боксчиси қандай ўринда?

WBC бошқа ташкилотлардан фарқли равишда кучли 15 боксчини эмас, 40 нафар чарм қўлқоп устаси рейтингини эълон қилади. 

Куни кеча эълон қилинган рейтингдан 7 нафар ўзбекистонлик боксчи ўрин олган. 

Биринчи ўта енгил вазн тоифасида (-48,9) Ҳасанбой Дўсматов аввалги ойдаги каби 32-поғонада қолган.

Биринчи ярим ўрта вазн тоифасида (-63,50 кг) икки  вакилимиз WBC рейтингида ТОП-40дан жой олган. Шоҳжаҳон Эргашев WBC рейтингида 25-поғонадан жой олган. Яна бир чарм қўлқоп устамиз Анвар Туропов эса 40-ўринга жойлашган. Аввалги ойда Шаҳрам Ғиёсов рейтингда 40-ўринда қайд этилганди. Аммо бу сафар Шаҳрам ушбу рейтингни тарк этган. 

Биринчи ўрта вазн тоифасида (-69,8 кг) айни пайтда WBA Intercontinental чемпионлик камари соҳиби бўлиб турган чарм қўлқоп устамиз Исроил Мадримов янгилаган рейтингнинг аввалги ойдан битта ўрин кўтарилиб. 21-поғонага кўтарилиб олди. Ушбу вазнда WBC Youth камарини қўлга киритган Равшан Маҳаммаджонов аввалги ойдаги каби 40-ўринда қолган.

Иккинчи ўрта вазн тоифасидаги Азизбек Абдуғофуров (-76,2 кг) олтинчи ўринда қолган. Эслатиб ўтамиз, Азизбек айни пайтда WBC Silver камари соҳиби ҳисобланади. Лекин виза билан боғлиқ муаммолар сабаб у жангларини ўтказа олмаяпти. Мазкур вазнда шунингдек WBA Americas камари соҳиби Бектемир Мелиқўзиев аввалги ойдагидек 37-ўринда қолган.