WBC рейтинги. Абдуғофуров кўтарилди ва бошқа 7 нафар ўзбек боксчисининг янгиланган рейтингдаги ўрни қандай?

WBC бошқа ташкилотлардан фарқли равишда кучли 15 боксчини эмас, 40 нафар чарм қўлқоп устаси рейтингини эълон қилади. 

7 март куни эълон қилинган рейтингдан 8 нафар ўзбекистонлик боксчи ўрин олган. 

Биринчи ўта енгил вазн тоифасида (-48,9) Ҳасанбой Дўсматов аввалги ойдаги каби 32-поғонада қайд этилган.

Биринчи ярим ўрта вазн тоифасида (-63,50 кг) икки  вакилимиз WBC рейтингида ТОП-40дан жой олган. Шоҳжаҳон Эргашев WBC рейтингида 22-поғонадан жой олган. Яна бир чарм қўлқоп устамиз Анвар Туропов эса 40-ўринга жойлашган. 

Яримўрта вазн тоифасида (-66,67 кг) Қудратилло Абдуқаҳҳоров 8-поғонани банд этган. 

Биринчи ўрта вазн тоифасида (-69,8 кг) Исроил Мадримов янгилаган рейтингнинг 24-ўрнига тушган. Ушбу вазнда WBC Youth камарини қўлга киритган Равшан Маҳаммаджонов 40-ўринда қайд этилган.

Иккинчи ўрта вазн тоифасидаги Азизбек Абдуғофуров (-76,2 кг) тўртинчи ўринга кўтарилган. Эслатиб ўтамиз, Азизбек айни пайтда WBC Silver камари соҳиби ҳисобланади ва бир неча кундан сўнг камарини ҳимоя қилади. Мазкур вазнда шунингдек WBA Americas камари соҳиби Бектемир Мелиқўзиев 30-ўринга кўтарилган.