WBC рейтинги янгиланди: Бир боксчимиз рейтингни тарк этди, яна бири киритилди + ПОСТEР

Бутунжаҳон Бокс уюшмаси март ойи учун янгиланган рейтингни эълон қилди. Ярим ўрта вазн тоифасидаги Жамшид Нажмиттинов рейтингни  тарк этди. Ушбу вазндаги Жаҳонгир Расулов мазкур рейтингга илк бор киритилди.

Шу тариқа, рейтингда 10 нафар чарм қўлқоп устамиз ўрин эгаллади. 

Уларнинг жойлашган ўринлари билан танишинг:

Супероғир вазн: Баҳодир Жалолов ўтган ойдаги сингари16-ўринда;

Супер ўрта вазн тоифаси (76,2 кг): Азизбек Абдуғофуров 1 поғона юқорилади ва 9-ўринга жойлашди; Бектемир Мелиқўзиев 23-ўринни банд этди, ўтган ойда у 22-поғонада эди;

Супер ярим ўрта вазн (69,8 кг): Исроил Мадримов ўтган ойдагидан бир поғона пастлаб 7-ўринга жойлашди;

Ярим ўрта вазн (66,6 кг):  Шаҳрам Ғиёсов 19-ўрин; Жаҳонгир Расулов рейтингга киритилиб 34-ўринга жойлаштирилди;

Супер енгил вазн (63,5 кг): Шоҳжаҳон Эргашев ўтган ойдагидан битта ўрин кўтарилиб 12-ўринда қайд этилди; Ботир Аҳмедов эса 1 поғона пастлади - 22-ўрин;

Ярим енгил вазн (57,1 кг): Отабек Холматов 14-ўрин, боксчимиз ўтган ойда 15-поғонани банд этиб турган эди;

Биринчи ўта енгил вазн (48,8 кг): Ҳасанбой Дўсматов ўтган ойдаги каби 10-поғонани банд этган.