WBC рейтинги янгиланди: ўзбек боксчиларининг ўрни қандай?

Янги рейтингдан 8 нафар боксчимиз ўрин олган. WBC Гран-присида финалга йўл олган Мужибилло Турсунов илк бор рейтингга киритилди. 

Боксчиларимизнинг рейтинги билан танишинг: 

Супероғир вазн: Баҳодир Жалолов (+101, 6 кг) - 10-ўринга тушди (ўтган ой 9-ўринда эди);

Суперўрта вазн тоифаси (76,2 кг): Бектемир Мелиқўзиев 9-ўринга қолди;

Биринчи ўрта вазн (69,8 кг): Исроил Мадримов 8-ўринга кўтарилди (ўтган ой 9-ўринда эди);

Биринчи ярим ўрта вазн (63,5 кг): Мужибилло Турсунов 32-ўринга жойлашди (у илк бор рейтингдан ўрин олди).

Иккинчи ярим енгил вазн (-58,9 кг): Хуршидбек Расулжонов 32-ўринга тушди (ўтган ой 31-ўринда эди);

Ярименгил вазн (57,1 кг): Отабек Холматов 12-ўринда қолди.

Иккинчи энг енгил вазн (55,3 кг): Муроджон Аҳмадалиев 11-ўринга тушди (ўтган ой 10-ўринда эди);

Ўта енгил вазн (50,8 кг): Ҳасанбой Дўсматов 14-ўринга кўтарилди (ўтган ой 15-ўринда эди).