WBC'нинг янгиланган рейтингида Шоҳжаҳон ва Ҳасанбой пастлади, Абдуғафуровда ажойиб кўтарилиш + ПОСТEР

Бутунжаҳон бокс уюшмаси май ойи учун янгиланган рейтингни эълон қилди. Мазкур рейтингдан 10 нафар боксчимиз ўрин олган.

Биринчи ўта енгил вазн тоифаси (48,8 кг) : Ҳасанбой Дўсматов 15-ўринга жойлашди. Ўтган ойда боксчимиз 14-поғонани эгаллаб турган эди;

Биринчи ярим енгил вазн тоифаси (55,3 кг): Исломбек Пирманов ўтган ойдагидан 2 поғона юқорилаб, 38-ўринни банд этди;

Ярим енгил вазн тоифаси (57,1 кг): Отабек Холматов ушбу рейтингга илк бор киритилди ва 34-ўринга жойлаштирилди;

Супер енгил вазн тоифаси (63,5 кг): Шоҳжаҳон Эргашев 1 поғона пастлаб, 23-ўринда қайд этилди;

Ярим ўрта вазн тоифаси (66,6 кг): Қудратилло Абдуқаҳҳоров 21-ўрин; Шаҳрам Ғиёсов янги вазнидаги рейтингда 26-ўринни эгаллади;

Супер ярим ўрта вазн тоифаси (69,8 кг): Исроил Мадримов ўтган ойдаги каби 9-ўрин;

Супер ўрта вазн тоифаси (76,2 кг): Азизбек Абдуғафуров 13 поғона кўтарилиб 15-ўринга жойлашди; Бектемир Мелиқўзиев 39-ўрин;

Супероғир вазн тоифаси (+90,7): Баҳодир Жалолов 32-ўрин.

Постер муаллифи: Мухтасар Умарова