WBO Мадримовнинг вазнидаги чемпион — Фундорадан камарни олиб қўйиши мумкин

Унга кўра, Фундора агар кейинги жангини яримўрта вазн тоифасида собиқ чемпион Эррол Спенсга қарши ўтказса, у WBO камаридан маҳрум қилинади. Себастьяннинг кейинги рақиби WBО рейтингининг кучли 15 талигидан жой олган боксчи бўлиши керак.

"Фундора WBО қоидаларига риоя қилиши ва рейтингдаги рақибга қарши жанг қилиши керак. Бу жуда оддий. Спенснинг жамоаси ёки унинг вакиллари, албатта, петиция қилишлари ва нима учун у жаҳон рейтингида эътиборга олинишга лойиқлиги ҳақида баҳслашишлари ҳамда кучли 15 таликка кириш имкониятини талаб қилишлари мумкин", деди Оливери.

Агар WBО Спенсни кучли 15 таликка киритса ва жангга рухсат берса, Фундора навбатдаги жангини мажбурий даъвогар мақомидаги Теренс Кроуфордга қарши ўтказиши шарт бўлади.

Агар Кроуфорд бошқа боксчи билан жанг қилишга қарор қилса, у WBО йўналиши бўйича мажбурий даъвогар мақомидан айрилади. Аввалроқ Кроуфорд ва Фундора жангни 2025 йилнинг иккинчи ярмига кўчиришга келишиб олганди.