WTA рейтинги. Абдураимова фаолиятини якунладими? У икки ҳафтада 145 поғонага пастлади

Янгиланган рейтингда ҳамон беларуслик Арина Соболенко катта фарқ билан пешқадамлик қиляпти. Польшалик Ига Свёнтек иккинчи, америкалик Жессика Пегула учинчи ўринни банд этган. Россиялик 17 ёшли Мирра Андреева 7-поғонадан жой олган. Ўтган ҳафта якунларига кўра, Топ-50`талик рейтингда ҳеч қандай ўзгариш кузатилмагани эътиборга молик ҳолат. 

Янгиланган рейтингда тўрт теннисчимиздан уч нафари оз бўлса-да юқорилади. Мамлакатимизнинг биринчи ракеткаси Нигина Абдураимова икки ҳафтада 145 поғонага пастлади ва ҳозирда WTA рейтингида 711-ўринни эгаллаб турибди. Хабар берганимиздек, Нигинанинг WTA сайтидаги профилида унинг сўнгги қатнашган турнири сифатида 6-12 январь кунлари оралиғида Нонтабури (Таиланд) шаҳридаги ITF 75 мусобақаси қайд этилган. Влада Якшибарова ва Сабрина Олимжонова 2, Милана Масленкова 4 поғонага юқорилади.

WTA рейтинги. 14 апрель кунги ҳолат:

1. (1) Арина Соболенко (Беларусь) - 10541 очко

2. (2) Ига Свёнтек (Польша) - 7470

3. (3) Жессика Пегула (АҚШ) - 6101

4. (4) Коко Гофф (АҚШ) - 6063

5. (5) Мэдисон Киз (АҚШ) - 4999

6. (6) Жасмине Паолини (Италия) - 4843

7. (7) Мирра Андреева (Россия) - 4775

8. (8) Чжэн Циньвэнь (Китай) - 4243

9. (9) Паула Бадоса (Испания) - 3821

10. (10) Елена Рибакина (Қозоғистон) - 3808...

Ўзбекистонлик теннисчиларнинг WTA рейтингидаги ўрни:

711 (654). Нигина Абдураимова – 49 (-10)

908 (910). Влада Якшибарова – 25

1351 (1355). Милана Масленкова – 5

1373 (1375). Сабрина Олимжонова – 4