WTA рейтинги. Нигина 27, Влада эса 19 поғонага пастлади

Янгиланган рейтингнинг Топ-10`талигида ҳеч қандай ўзгариш кузатилмади. Теннис маликалари ўтган ҳафтадаги ўз ўринларини сақлаб қолишди. Беларуслик Арина Соболенко ҳамон пешқадамликни давом эттирмоқда. У аввал хабар берганимиздек, 2024 йилни карвонбоши сифатида якунлайди. Польшалик Ига Свёнтек иккинчи, Якуний WTA турнири ғолибаси америкалик Кори Гофф учинчи ўринни сақлаб қолди. 

Бу ҳафта учун мўлжалланган рейтингда тўрт теннисчимиздан икки нафари бир поғонадан кўтарилган бўлса, яна иккиси яхшигина пастга қулади. Биринчи рақамли теннис маликамиз Нигина Абдураимова 27, иккинчи ракеткамиз Влада Якшибарова эса 19 поғонага пастлади. Узоқ муддат Исрои шарафини ҳимоя қилиб қайтган Якшибарова роппа-роса 800-поғонага тушиб кетди. Милана Масленкова ва Сабрина Олимжонова худди ўтган ҳафтада бўлгани каби бир ўринга кўтарилишди.

WTA рейтинги. 2 декабрь кунги ҳолат:

1. (1) Арина Соболенко (Беларусь) - 9416 очко

2. (2) Ига Свёнтек (Польша) - 8370

3. (3) Коко Гофф (АҚШ) - 6530

4. (4) Жасмине Паолини (Италия) - 5344

5. (5) Чжэн Циньвэнь (Хитой) - 5340

6. (6) Елена Рыбакина (Қозоғистон) - 5171

7. (7) Джессика Пегула (АҚШ) - 4705

8. (8) Эмма Наварро (АҚШ) - 3589

9. (9) Дарья Касаткина (Россия) - 3368

10. (10) Барбора Крейчикова (Чехия) - 3214...

Ўзбекистонлик теннисчиларнинг WTA рейтингидаги ўрни:

367 (340). Нигина Абдураимова – 169

800 (781). Влада Якшибарова – 34

1370 (1371). Милана Масленкова – 4

1370 (1371). Сабрина Олимжонова – 4