WTA рейтинги. Нигина Абдураимова кўтарилди, иккинчи ракеткамиз 1111-поғонада

Дунё теннис маликалари Топ-10`талигида бир нечта ўзгариш, аниқроғи ўрин алмашишлар кузатилди. Грециялик Мария Саккари хитойлик Чжэн Циньвэнь, чехиялик Маркета Вондроушова бир поғонага кўтарилиб олишди. Тунислик Онс Жабер аксинча, 6-ўриндан 9-поғонага пастлади. Латвиялик Елена Остапенко 10-ўринни сақлаб қолди. Польшалик Ига Свёнтек ҳамон катта фарқ билан рейтинг карвонбошиси бўлиб турибди. 

Янгиланган рейтингда уч нафар теннисчимизнинг иккисида пасайиш кузатилди. Мамлакатимизнинг биринчи ракеткаси Нигина Абдураимова 1 поғонага юқорилаб, 239-ўринни банд этиб турибди. Севиль Юлдашева 4, Милан Масленкова эса 6 поғонага пастлаган.

WTA рейтинги. 15 апрель кунги ҳолат:

1 (1). Ига Свёнтек (Польша) — 10 835 очко

2 (2). Арина Соболенко (Беларусь) — 8045

3 (3). Кори Гофф (АҚШ) — 7205

4 (4). Елена Рибакина (Қозоғистон) — 5848

5 (5). Жессика Пегула (АҚШ) — 4870

6 (7). Мария Саккари (Греция)— 4195

7 (8). Чжэн Циньвэнь (Хитой) — 3995

8 (9). Маркета Вондроушова (Чехия) — 3895

9 (6). Онс Жабер (Тунис) — 3658

10 (10). Елена Остапенко (Латвия) – 3438.

Ўзбекистонлик теннисчиларнинг WTA рейтингидаги ўрни:

239 (240). Нигина Абдураимова – 312

1111 (1107). Севил Йўлдошева – 12

1370 (1364). Милана Масленкова – 3