WTA рейтинги. Соболенко пешқадамлигини мустаҳкамлади. Тўрт теннисчимиз юқорилади

Янгиланган рейтингда ҳамон беларуслик Арина Соболенко катта фарқ билан пешқадамликни давом эттирмоқда. Арина АҚШ Очиқ чемпионатидаги ғалабаси эвазига ўтган йилги чемпионлик очколарини муваффақиятли ҳимоя қилди. Финалчи Аманда Анисимова эса 7-поғонадан 4-ўринга кўтарилиб олди. Бу америкалик теннисчи учун фаолиятидаги энг юқори ўрин ҳисобланади. Жессика Пегула аксинча, 4-ўриндан 7-поғонага тушди. Коко Гофф учинчи ўринда қолди. 

Янгиланган рейтингда 6 теннис маликамиз бўлиб, уларнинг 4 нафари оз бўлса-да кўтарилишга эришди. Фақат биринчи ракеткамиз Влада Якшибарова 67, тўртинчи ракеткамиз Милана Масленкова 16 поғонага пастлади. Иккинчи рақамли теннисчимиз Дарья Шубина 12, учинчи ракеткамиз Нигина Абдураимова 9, Сабрина Олимжонова ва Диана Яковлева 2 поғонага юқорилади. 

WTA рейтинги. 8 cентябрь кунги ҳолат:

1. (1) Арина Соболенко (Беларусь) - 11225 очко

2. (2) Ига Швёнтек (Польша) - 7933

3. (3) Коко Гофф (АҚШ) - 7874

4. (9) Аманда Анисимова (АҚШ) - 5159

5. (5) Мирра Андреева (Россия) - 4793

6. (6) Мэдисон Киз (АҚШ) - 4579

7. (4) Жессика Пегула (АҚШ) - 4383

8. (8) Жасмин Паолини (Италия) - 4006

9. (7) Чжэн Циньвэнь (Хитой) - 4003

10. (10) Елена Рибакина (Қозоғистон) - 3833

Ўзбекистонлик теннисчиларнинг WTA рейтингидаги ўрни:

963 (896). Влада Якшибарова – 21  

1208 (1220). Дарья Шубина – 9 

1259 (1268). Нигина Абдураимова – 8  

1316 (1300). Милана Масленкова – 6 

1424 (1426). Сабрина Олимжонова – 4 

1448 (1450). Диана Яковлева – 3