WTA рейтинги. Тимофеева Ўзбекистоннинг биринчи ракеткаси! (+Жадвал)

Эътиборлиси, Ўзбекистон фуқаролигини қабул қилган россиялик Мария Тимофеева расман мамлакатимизнинг биринчи ракеткасига айланди. У янгиланган WTA рейтингида 18 поғонага юқорилаб, 146-ўринда қайд этилди. У икки кун аввал якунига етган Португалиядаги W75 тоифасига кирувчи турнирда чемпион бўлганди. Иккинчи ракеткамиз Влада Якшибарова ҳам ўтган ҳафта билан таққослаганда 18 ўринга кўтарилган. 

Биргина Сабрина Олимжонова 22 поғонага пастлаган. Нигина Абдураимова ва Диана Яковлева ўз ўринларида ўзгаришсиз қолишди. Милана Масленкова 3, Дарья Шубина 1 поғонага юқорилади. 

Янгиланган рейтингда ҳамон беларуслик Арина Соболенко катта фарқ билан пешқадамлик қилмоқда. Кучли учликдан польшалик Ига Свёнтек ва америкалик Коко Гофф ўрин олган. Топ-10 рейтингида бир нечта ўзгариш кузатилди. Елена Рибакина чемпионлик сабаб 9-поғонадан 7-ўринга кўтарилди. Жасмин Паолини ҳам икки ўринга юқорилади. Россиялик иқтидор эгаси Мирра Андреева аксинча, 6-ўриндан 9-поғонага тушди.   

WTA рейтинги. 20 октябрь кунги ҳолат:

1. (1) Арина Соболенко (Беларусь) - 10 390 очко

2. (2) Ига Свёнтек (Польша) - 8703

3. (3) Коко Гофф (АҚШ) - 7863

4. (4) Аманда Анисимова (АҚШ) - 5914

5. (5) Джессика Пегула (АҚШ) - 5183

6. (8) Жасмин Паолини (Италия) - 4525

7. (9) Елена Рибакина (Қозоғистон) - 4505

8. (7) Мэдисон Киз (АҚШ) - 4395

9. (6) Мирра Андреева (Россия) - 4319

10. (10) Екатерина Александрова (Россия) - 3375...

Ўзбекистонлик теннисчиларнинг WTA рейтингидаги ўрни:

146 (164). Мария Тимофеева – 519 

1012 (1030). Влада Якшибарова – 19  

1178 (1181). Милана Масленкова – 11 

1263 (1264). Дарья Шубина – 8

1309 (1309). Нигина Абдураимова – 7  

1463 (1463). Диана Яковлева – 3

1463 (1441). Сабрина Олимжонова – 3