WTA рейтинги. Топ-10`да ўзгаришлар. Влада Якшибарова яна "ўзбекистонлик", у энди иккинчи ракеткамиз!

Дунё теннис маликалари Топ-10`талигида ўзгаришлар кузатилди. Пекиндаги WTA 1000 тоифасига кирувчи турнирда чемпион бўлган америкалик Кори Гофф 6-поғонадан 4-ўринга кўтарилиб олди. Қозоғистонлик Елена Рибакина аксинча 5, италиялик Жасмин Паолини эса 6-ўринга тушган. Беларуслик Арина Соболенко дунёнинг иккинчи ракеткаси бўлиб турибди. Польшалик Ига Свёнтек ҳамон катта фарқ билан рейтинг карвонбошилигини давом эттирмоқда. 

Эътиборлиси, янгиланган рейтингдан яна уч нафар теннисчимиз жой олган. Узоқ муддат Исроил шарафини ҳимоя қилиб келган, ўша мамлакат чемпиони ҳам бўлган 35 ёшли Влада Екшибарова яна Ўзбекистон байроғи остида WTA рейтингига киритилибди. У энди мамлакатимизнинг иккинчи ракеткаси. Влада ўтган ҳафта билан таққослаганда, 34 ўринга юқорилаб, 769-поғонадан жой олган. Фаолиятидаги энг юқори рейтинги 352-ўрин бўлган. Учинчи ракеткамиз Милана Масленкова 27 ўринга юқорилаб, 1370-поғонани банд этган. Биринчи ракеткамиз Нигина Абдураимова эса ўтган ҳафтадаги ўрнини сақлаб қолди. 

WTA рейтинги. 7 октябрь кунги ҳолат:

1 (1). Ига Швёнтек (Польша) — 9785 очко

2 (2). Арина Соболенко (Беларусь) — 8716

3 (3). Жессика Пегула (АҚШ) — 5945

4 (6). Кори Гауфф (АҚШ) — 5593

5 (4). Елена Рибакина (Қозоғистон) — 5481

6 (5). Жасмин Паолини (Италия) — 5293

7 (7). Чжэн Циньвэнь (Хитой) — 4300

8 (8). Эмма Наварро (АҚШ) — 3698

9 (9). Даниэль Коллинз (АҚШ) — 3178

10 (10). Барбора Крейчикова (Чехия) — 3161…

Ўзбекистонлик теннисчиларнинг WTA рейтингидаги ўрни:

310 (310). Нигина Абдураимова – 199

769 (803). Влада Екшибарова – 38

1370 (1397). Милана Масленкова – 4