WTA рейтинги янгиланди. Етти теннис маликамиздан олти нафари кўтарилди

Эътиборга молик жиҳати шундаки, Ўзбекистоннинг WTA рейтингидан ўрин олган етти теннисчисидан олти нафари кўтарилишга эришди. Биргина Лайма Владсон рейтингда пастлади (беш поғонага). Мария Тимофеева бу ҳафтада ҳам мамлакатимизнинг биринчи ракеткаси бўлиб қолмоқда. У беш поғонага юқорилаб, дунёнинг 63-ракеткаси бўлиб турибди. Иккинчи ракеткамиз Камилла Раҳимова етти, учинчи рақамли теннисчимиз Полина Кудерметова эса икки поғонага кўтарилди. 

Қолган теннисчиларимизга тўхталадиган бўлсак, Севиль Юлдашева 20, Милана Масленкова 21, Дарья Шубина 15 ўринга юқорилади. 

Дунё теннисчиларининг Топ-10`талигида ҳам бир нечта аҳамиятга молик ўзгаришлар кузатилди. Россиялик иқтидор эгаси Мирра Андреева дунёнинг учинчи ракеткасига айланиб олди. У бешинчи поғонадан учинчи ўринга кўтарилди. Америкаликлар Жессика Пегула ва Коко Гофф бир поғонадан пастлашди. Элина Свитолина, Каролина Мухова аксинча, бир поғонадан юқорилашди. Қозоғистонлик Елена Рибакина ҳамон катта фарқ билан WTA рейтингида пешқадамлик қилмоқда. 

WTA рейтинги. 12 октябрь кунги ҳолат:

1. (1) Елена Рибакина (Қозоғистон) - 9696 очко.

2. (2) Арина Соболенко (Беларусь) - 7550.

3. (5) Мирра Андреева (Россия) - 6371.

4. (3) Жессика Пегула (АҚШ) - 6225.

5. (4) Коко Гофф (АҚШ) - 5974.

6. (7) Элина Свитолина (Украина) - 5024.

7. (8) Каролина Мухова (Чехия) - 4773.

8. (6) Линда Носкова (Чехия) - 4679.

9. (9) Ига Швёнтек (Польша) - 3999.

10. (10) Марта Костюк (Украина) - 3910.

Ўзбекистонлик теннисчиларнинг WTA рейтингидаги ўрни:

63 (68). Мария Тимофеева – 997

69 (76). Камилла Раҳимова – 959

102 (104). Полина Кудерметова – 730

579 (574). Лайма Владсон – 82

1002 (1022). Севиль Юлдашева – 20

1334 (1351). Милана Масленкова – 7 

1466 (1481). Дарья Шубина – 4