WTA рейтинги. Январь ойидан бери "таътил"да бўлган Абдураимова 88 поғона пастлади

Янгиланган рейтингда ҳамон беларуслик Арина Соболенко пешқадамлик қиляпти. Майами турнирида чемпион бўлган Арина ўтган йилги чемпионлик очколарини муваффақиятли ҳимоя қилди. Польшалик Ига Свёнтек иккинчи, америкалик Коко Гофф учинчи ўринни банд этган. Россиялик 17 ёшли Мирра Андреева 6-ўриндан 7-поғонага пастлади. Майами турнирида 1/2 финалга қадар етиб бориб, сенсация қайд этган филиппинлик Александра Эала фаолиятида илк бор Топ-10`да дебют қилди. 

Янгиланган рейтингда тўрт теннисчимиздан уч нафари пастлади. Мамлакатимизнинг биринчи ракеткаси Нигина Абдураимова 20 очко йўқотиши натижасида 88 поғонага пастлади ва ҳозирда WTA рейтингида 649-ўринни эгаллаб турибди. Нигинанинг WTA сайтидаги профилида унинг сўнгги қатнашган турнири сифатида 6-12 январь кунлари оралиғида Нонтабури (Таиланд) шаҳридаги ITF 75 мусобақаси қайд этилган. Нигинанинг жароҳати борлиги ёки фаолиятини якунлагани ҳақида маълумотлар йўқ. Влада Якшибарова бир очко жамғаргани эвазига аксинча, 10 ўринга юқорилади. Милана Масленкова ва Сабрина Олимжонова бир хилда, 9 поғонага пастлашди. 

WTA рейтинги. 17 март кунги ҳолат:

1. (1) Арина Соболенко (Беларусь) - 10541 очко

2. (2) Ига Свёнтек (Польша) - 7470

3. (3) Коко Гофф (АҚШ) - 6063

4. (4) Жессика Пегула (АҚШ) - 5796

5. (5) Мэдисон Киз (АҚШ) - 4949

6. (7) Жасмине Паолини (Италия) - 4843

7. (6) Мирра Андреева (Россия) - 4775

8. (9) Чжэн Циньвэнь (Хитой) - 4135

9. (11) Паула Бадоса (Испания) - 3821

10. (8) Елена Рибакина (Қозоғистон) - 3808

Ўзбекистонлик теннисчиларнинг WTA рейтингидаги ўрни:

649 (561). Нигина Абдураимова – 59 (-20)

914 (924). Влада Якшибарова – 25 (+1)

1351 (1342). Милана Масленкова – 5

1371 (1362). Сабрина Олимжонова – 4