21 ноя 19:01
Янгиликлар

Бокс/ММА

Хабиб иштирокидаги "face to face" маросимига чипта олганлар диққатига!

UFC чемпиони ва юлдузи Хабиб Нурмагомедовнинг Тошкентга ташрифи кун мавзусига айланди.

Хабар берганимиздек, бугун Тошкент Сити ҳудудида жойлашган муҳташам "Конгресс Холл"да ўтказилиши белгиланган матбуот анжуманининг вақти ва манзили ўзгартирилганди.

Хабиб иштирокидаги матбуот анжуманидан сўнг айнан шу ерда GFC 20 турнирида октагонга чиқувчи жангчиларнинг "face to face" маросими ҳам ўтказилиши керак эди. Бу маросимга хатто чипталар ҳам сотилганди.

Ташкилотчиларнинг бизга хабар беришларича, харид қилинган чипталар билан эртага матбуот анжумани ва "face to face" маросими ўтказилувчи "Форумлар саройи"га кириш мумкин бўлади. Яъни, чипталар ўз кучида қолади. Ташкилотчилар бу кўнгилсиз ҳолат учун ҳам узр сўрашади.