Хабиб Нурмагомедов Махачев — Гарри жангига тахмин билдирди

Эслатиб ўтамиз, мазкур жанг UFC 330 турнири доирасида АҚШнинг Филадельфия шаҳрида бўлиб ўтади.

"Услуб жиҳатидан Гарри жуда ноқулай рақиб. Кўп ҳаракат қилади, масофадан зарба беради. Бизда бундай бўйли рақиб бўлмаган — 191 сантиметр. Қўллари ҳам, оёқлари ҳам узун. Унинг ортидан қувиш, яқинлашиш ва партерга ўтказишга тўғри келади. Жуда оғир жанг бўлади.

Бундан ташқари, Ислам ҳам тез орада 35 ёшга тўлади. Ҳам услуб, ҳам ёш омилларини ҳисобга олсак, бу осон жанг бўлмайди деб ўйлайман.

Мен ҳар доим шогирдларимни оғир жангга тайёрлайман. Уларга қарши рақиблар бошқача руҳда чиқишини айтаман. Агар улар чемпионларга қарши ўзларини кўрсата олса, автоматик равишда юлдузга айланади. Босим ҳам жуда катта бўлади.

Агар рақибни эрта финиш қила олмасангиз ва беш раунд давомида у билан жанг қилишга тўғри келса, бу осон эмас. Тайёргарлик ҳам қийин бўлади, чунки айнан шундай рақибни топиш керак. Бу вазнда бундай спортчилар кўп эмас. Агар шундай рақиб топилса, уни каттароқ вазн тоифасидан излашга тўғри келади", — деди Нурмагомедов.