Хабиб Нурмагомедов: "Менинг нутқим ММАни буткул ўзгартириб юборди"

"Менга Эдди Альварес билан чемпионлик жанги учун шартнома юборишди, мен уни имзоладим. Аммо улар Альвареснинг Конор билан жангини эълон қилишди. UFC мендан фойдаланиб, Альварес Конор билан жанг ўтказиш учун шартнома имзолашини таъминлашди. У имзо чекди, мен эса бортда қолдим. Лекин мен буни адолатсизлик деб айтмадим. Мен улардан Нью-Йоркдаги UFC турнирида Дастин Порьени нокаутга учратган Майкл Жонсон билан жанг қилишни сўрадим. Мен "Мэдисон Сквер Гарден"да жанг қилишни жуда хоҳлардим, Жонсон эса аллақачон Топ-4`да эди, ҳозиргина асосий жангда ғалаба қозонди.

Охир-оқибат мен у билан муштлашдим, бу менинг ва умуман UFC тарихидаги энг устун чиқишларимдан бири бўлди. Мен у ерда умуман ММАни ўзгартирадиган нутқ сўзладим. Эсингизда бўлса: "Мен сизнинг жўжангиз билан муштлашмоқчиман. Бу мен учун энг осон жанг". Мен бу сўзларни айтдим, ўшанда Конор чиройли тарзда ғалаба қозонди, мен ғалаба қозондим ва яна биз тарози пайтида жанжаллашиб қолдик - ўша ердан ҳаммаси аланга олди, 2016 йил ноябрь. Ҳозирги аксарият мухлислар бу воқеани умуман билишмайди", - деди Нурмагомедов "Удар" телеканалига берган интервьюсида.

Маълумот учун, 2018 йил октябрь ойида Хабиб Нурмагомедов енгил вазн тоифасида UFC чемпионлик камарининг биринчи ҳимоясини ўтказди ва тўртинчи раундда Конор Макгрегорни бўғиб қўйди. Жангдан сўнг россиялик ирландияликнинг бутун жамоаси билан муштлашиши оқибатида тўққиз ойга дисквалификация қилинган ва ярим миллион доллар жаримага тортилганди.