Хабиб Нурмагомедов: "Тарихий иккинчи камар қўлга киритилишига оз қолди"

Енгил вазнда собиқ UFC чемпиони беш ҳафтадан сўнг бўлиб ўтадиган Жек Делла Маддаленага қарши чемпионлик жангида ўзи учун тарихий иккинчи камарни қўлга киритишни мақсад қилган. 

"Бутун умримиз залда ёнма-ён ўтиб, бир-биримизга яхшироқ ва кучлироқ бўлишга ёрдам бердик. Тез орада тарихий иккинчи камарга борамиз, ҳозирча эса иш давом этмоқда", - деб ёзди Нурмагомедов ижтимоий тармоқда Махачев билан биргаликдаги машғулот суратини жойлаб.

Суратдан кўриш мумкинки, енгил дивизиондан кўтарилаётган россиялик жангчи анча габарит қўшиб олган ва профессионал фаолиятини аллақачон якунлаган Хабиб фонида ҳам салобатлироқ кўринмоқда.

Эслатиб ўтамиз, Ислам Махачев 15 ноябрь куни Нью-Йоркда бўлиб ўтадиган UFC 322 турнирида яна чемпион бўлишга уриниб кўради. У австралиялик рақибидан ярим ўрта вазн тоифасидаги камарни тортиб олиш учун уринишни амалга оширади.