06 дек 15:48
Янгиликлар

Бокс/ММА

Хабибнинг жамоасидаги енгилмас жангчи PFLда дебют қилади

Бу ҳақда промоушен матбуот хизмати ижтимоий тармоқларда хабар берди.

Мағлубият нималигини билмай келаётган россиялик аралаш яккакураш устаси Амру Магомедов PFL промоушенида дебют қилади. Унга АҚШ вакили Колтон Энглунд рақиблик қилади. Жангчилар 2026 йилнинг 7 февраль куни Бирлашган Араб Амирликларининг Дубай шаҳрида бўлиб ўтадиган турнирда ўзаро куч синашади.

Маълумот учун, Магомедов аралаш яккакурашларда 8 та жанг ўтказган ва уларнинг барида ғалаба қозонган. Амру икки марта нокаут билан ютган. У Хабиб Нурмагомедов жамоаси шарафини ҳимоя қилмоқда. Унинг рақиби MMA’да 19 та жанг ўтказиб, 15 ғалаба (6 таси нокаут) ва 4 та мағлубият қайд этган.