25 окт 14:45
Янгиликлар

Теннис

Хачанов Вена турнири иккинчи даврасига йўл олди

Австрия пойтахти Вена шаҳрида теннис бўйича ATP турнири бўлиб ўтмоқда.

Дунёнинг 18-ракеткаси бўлган Карен Хачанов ушбу мусобақадаги иштирокини ғалаба билан бошлади. Россиялик теннисчи 105 дақиқа давом этган биринчи давра учрашувида рейтингнинг 56-поғонасида бораётган америкалик Жефф Вольфни қийинчилик билан мағлуб этди - 7/6(4), 7/5.

Бу теннисчиларнинг ўзаро ўтказган илк учрашуви эди. Эйс зарбаси усталари баҳсида Хачанов 13, Вольф эса 10 та эйсни амалга оширган. Энди Карен иккинчи босқичда британиялик Дэниэл Эванс ёки германиялик Оскар Оттега қарши кортга чиқади.