14 фев 09:42
Янгиликлар

Теннис

Халеп Доҳадаги турнирда 1/4 финалга чиқди

Дунёнинг собиқ биринчи ракеткаси, айни пайтда рейтингнинг учинчи поғонасидан жой олиб турган Симона Халеп Қатар турнирида иккинчи ғалабасига эришди.

Руминиялик теннисчи иккинчи босқич учрашувида украиналик Леся Цуренкодан устун келди. Бир соату 19 дақиқа давом этган баҳсда 6/2, 6/3 ҳисоби қайд этилди.

Эътиборлиси, бу икки теннисчининг ўзаро олтинчи учрашуви бўлиб, уларнинг барчасида Халеп ғалаба нашидасини сурган. Энди 27 ёшли Симона Qatar Total Open турнирининг чорак финалида германиялик Юлия Гёргесга қарши кортга чиқади.